Jaurlaritza: "LAB eta Batasunaren ingurukoek bakarrik bat egin dute bat grebarekin"

Eusko Jaurlaritzako bozeramaile Miren Azkaratek hainbat datu eman ditu gaurko mobilizazio eta greba deialdiaren jarraipenaren inguruan. Hezkuntzan publikoan izan duen jarraipena %3 eta %4 bitartekoa izan da eta osasungintzan, berriz, %0,5ekoa Azkaratek emandako datuen arabera. Datu horietan oinarrituta honakoa ondorioztatu du Jaurlaritzako bozeramaileak: "Argi dago LAB eta Batasunaren ingurukoek bakarrik bat egin dutela grebarekin".

Era berean, greba eta mobilizazio egunarekin bat etorriz hainbat errepidetan ETAk burututako erasoak gaitzetsi ditu. Azkaratek honakoa azpimarratu du: "Batasuneko buruzagia banintz ez nintzateke pozik sentituko bat etortze honekin". Azkarateren aburuz ETAk sabotajea egin baitio gaurko "borroka egunari".