• 1990eko apirilaren 5a. Sobietar Batasunaren gainbeherak akuilatuta, independentismoak loraldia izan zuen Xinjiangen. Baren herrian hasi zen matxinada. 50 pertsona hil ziren istiluetan.
• 2003ko abuztuaren 27a. Ekialdeko Turkestango Mugimendu Islamiko uigurra talde terroristen zerrendan sartu zuen AEBetako Gobernuak.
• 2009ko uztailaren 5a. 200 bat pertsona hil eta 800 zauritu ziren Urumtxi hirian, Pekinen kontrako protestetan.
• 2011ko uztailaren 18a. Poliziak 14 uigur hil zituen Hotanen.
• 2013ko apirilaren 24a. 21 hildako Kaxgarren, Poliziaren operazio batean.
• 2013ko ekainaren 26a. Gobernuaren egoitzei eraso egin zion matxinatu talde batek Lukqun hirian. 35 lagun hil ziren.
• 2013ko urriaren 28a. Hiru huigur zeramatzan auto batek hainbat pertsona harrapatu zituen Tiananmen plazan, eta su hartu zuen. Bost hildako eta 40 zauritu eragin zituen.
• 2014ko martxoaren 1a. Xinjiango talde armatu batek 33 pertsona hil zituen labankadaz Kunmin hirian.
• 2014ko apirilaren 30a. Hiru hildako eta 79 zauritu, Urumtxin izandako eraso batean.
