Azaroaren 16an lan harremanak nolakoak izan beharko liratekeen azaltzen duen txostena azalduko dute patronalek. Elkarrizketa Sozialaren Mahaian egingo dute aurkezpena. Eusko Jaurlaritza, Confebask eta CCOO eta UGT biltzen dira mahai horretan, baina ez langileen ordezkaritzaren gehiengo handi bat duten bi sindikatuak, ELA eta LAB.
Txostenaren berri Iñaki Garcinuñok eman du, Cebek Bizkaiko patronaleko buruak, Euskadi Irratian.
Haren arabera, lan harremanetan kontzeptu berriak barneratu nahi dituzte patronalek, hala nola, elkarlana, inpilikazioa, konpromisoa eta lan malgutasuna. Garcinuñoren hitzetan, "inplikazioak eta konpromisoak soldatetan isla izan beharko lukete".
