Manifestazioan parte hartzeko deia egin du LABek

Herritar talde batek ostiralerako Bilbon deitu duen autodeterminazio eskubidearen aldeko manifestazioarekin bat egin du LAB sindikatuak. Konponbide prozesua “egoera larrian” dagoela esan du LABek, eta herritarrek bake prozesuan parte hartzea “ezinbestekoa” dela.

Alderdien Legearen gainean, Batasunari legearen oinarriak exijitzea “xantaia” dela adierazi du LABek. Halaber, PSOEren jarrera salatu du sindikatuak, eta “prozesu demokratikoa” inoiz baino gehiago babesteko eskatu die eragile politiko, sindikal eta sozialei, baita herritarrei ere.