Fernando Grande Marlaska Espainiako Auzitegi Nazionaleko epaileak berriro zabaldu du, fiskalaren irizpideen kontra, Arnaldo Otegi eta Batasuneko beste 22 kideren aurkako auzia. Ertzaintzarekin tiroketan hildako Arkaitz Otazua etakidearen omenaldian parte-hartzeagatik hasi zuen auzibidea.
Iragan martxoaren 23an prozesua itxi egin zuen Marlaska epaileak, fiskalaren eskaerari men eginda, deliturik zantzurik ez zegoela iritzita. Orain berriro ireki du, ustez etakideari gorazarre egin zioten manifestazioaren grabazioa jasotzean. 2003ko irailaren 20an Bilbon Otegik egin zituen adierazpenak "terrorismoari gorazarrea" izan daitezkeela uste du epaileak. Fiskalak, ordea, auzibidea ixtea eskatu zuen atzo, adierazpenak "ekintza terroristen aldeko argiak" ez direla iritzita.
Batasunaren Mahai Nazionaleko 23 kideri buruzko txostenak eskatu ditu epaileak.
Marlaskak Otegiren aurkako auzia berriro ireki du, fiskalaren iritziaren kontra
Iruzkinak
Ez dago iruzkinik
Ordenatu
