Minutuko isilunea azken hilketa gaitzesteko

Almudena Matarranzen hilketa gaitzesteko minutuko isilunea egin du gaur Eusko Legebiltzarraren osoko bilkurak. Bakartxo Tejeria presidenteak adierazpen instituzional bat irakurri du Legebiltzarraren "erabateko arbuioa" azaltzeko. Halaber, berdintasunaren alde "konpromiso pertsonalak eta kolektiboak" hartzeko deia egin du. Indarkeria sexista "gizon eta emakumeen arteko desberdintasunaren adierazpenik larriena" dela nabarmendu du.