PALESTINA. Israelgo Armadak sei palestinar hil ditu Gazan

Sei palestinar hil dira gaur Israelgo Armadaren erasoengatik. PAN Palestinako Aginte Nazionalak jakinarazi duenez hildakoen artean emakume bat eta honen hiru seme daude, besteak beste.

Palestinako iturriek esan dutenez Israelgo tanke batek jaurtigai bat bota du Hamaseko kide baten etxearen kontra, hain zuzen Gazako Seyaia auzoan. Erasoaren ondorioz Hamaseko kidearen emaztea eta hiru seme hil dira. Beste hiru hildakoak milizianoak dira.

Israelgo Armadaren iturriek diotenez“Israelek azken bi egunotan Al Mugazin palestinar errefuxiatu gunearenkontra burututako erasoan 20 miliziano hil ziren eta operazioak bukatutzat eman dira”. Hala ere, palestinar iturriek adierazi dutenez hamar palestinar hil eta beste hainbat zauritu ziren.

Gaur goizaldean Israelgo indarrek miliziano bat hil dute Karni pasabidearen inguruan.