Ibarretxe babesteko EAJk iragarri dituen ekimenetan parte hartuko duten galdetu diote Patxi Lopez PSE-EEko idazkari nagusiari, eta ezezkoa erantzun du: "ez baita alderdien egitekoa Zuzenbide Estatuko botere independente bati -Justizia hala da- aurre egitea, baizik eta haren prozedura eta ondorioak errespetatu eta betetzea".
Nolanahi ere, Ibarretxeren kontrako auziak aurrera ez egitea espero duela erantsi du Lopezek; hots, Fiskaltzaren eskaria aintzat hartuz epaimahaiak Ibarretxek ez duela deliturik egin ebaztea.
Jaurlaritzako lehendakaria bezala, Lopez bera eta Rodolfo Ares PSE-EEko buruzagitzako kidea auzipetuta egon ziren, Batasuneko kideekin bilera egiteagatik. Prozedura hura bertan behera utzi zuen Espainiako Auzitegi Gorenak. EAEko Auzitegi Nagusiak, berriz, Ibarretxeren kontrakoarekin aurrera jarraitzea erabaki du.
PSE-EEk ez du ekimen horiekin bat egingo, "Justiziari aurre egitea ez delako alderdien egitekoa"
Iruzkinak
Ez dago iruzkinik
Ordenatu
