Ibarretxen biharko manifestazioaren leloa aldatu eta ETAri indarkeriaren amaiera exijitzen diogu gehitu arren Batasunak joatea erabakiko balu, "probokazio hutsa" litzatekeela uste du Patxi Lopez PSE-EEko idazkari nagusiak. Lopezen arabera, Batasunak hamahiru egun eduki ditu Barajasko atentatua gaitzesteko eta ETAri indarkeria behin betiko utz dezala eskatzeko, eta ez du halakorik egin. Ondorioz, biharko leloa duen manifestazioarekin bat-egitea probokazio gisa baino ezin da ulertu PSE-EEko buruzagiaren iduriko.
Nolanahi ere, manifestazioaren inguruan sortu den ika-mikaren errua ez dio Batasunari soilik egotzi, baizik eta lehendabiziko akatsa Ibarretxe Jaurlaritzako lehendakariak egin zuela esan du Lopezek, hain justu, "lelo anbiguoegia" aukeratu zuelako, "Batasunaren parte-hartzea ahalbidetzeko modua". Atzo leloa aldatu izanak Ibarretxe oker aritu dela frogatzen du PSE-EEko buruzagiaren iduriko.
Bake prozesua "hautsita" dagoela azpimarratu du, eta ETAk su-etenari sinesgarritasuna erabat galarazi diola. Ondorioz, berriro prozesu bat abiatzekotan "beste oinarri batzuekin" izan beharko duela esan du.
PSE-EEren arabera, "probokazioa" litzateke Batasunak joatea erabakitzea
Iruzkinak
Ez dago iruzkinik
Ordenatu
