PSOE euskal gizartearentzat sinesgarri izan dadin PPrekin hitzartu zuen Terrorismoaren Aurkako Itunetik "askatzea" ezinbestekoa dela iritzi dio Mikel Arana EB-IUko lehendakaritzako bozeramaileak.
Aranak esan du PSOEk azken urteetan PPren ildo bereko politika egin duela: "Batzuetan PPri eskua emanda, eta beste batzuetan haren itzalean", adierazi du. Sozialistek PPri emandako babes horrek askatasunen murriztea eragin duela iruditzen zaio Aranari, "guztion askatsunak, ez bakarrik auzi nazionalari dagokionean, baizik eta baita ere, gizarte arazoei dagokienean".
Hori dela eta, PPrekiko hitzarmena alboratzeko eskaera oinarrizkoa dela uste du EB-IUko buruzagiak: "PSOEk atzera egin behar du gauza askotan beste indar politikoentzat sinesgarri izan nahi badu, urte asko baitaramatzagu beste era bateko politika egin dezan eskatzen".
Aberri Egunaren ondorena
PSOE PPrekiko itunetik "askatzea" ezinbestekoa dela uste du EB-IUk
Iruzkinak
Ez dago iruzkinik
Ordenatu
