Javier Rojo (PSOE) hautatu dute berriz ere Espainiako Senatuko presidente, gaurko lehen bozketan gehiengo osoa lortu ondotik. 253 botoetatik 134 bildu ditu -264 senatari dira-. 2004tik aurten arte izan da Senatuko buru hura.
Rojo izan da presidente izateko hautagai bakarra gaur. PPk ez du aurkeztu inor.
117 boto txurizkoak izan dira, eta beste bi baliogabeak -Joan Lerma PSOEko kidearen alde egin dute, baina hau ez zen hautagai-.
Iruñean jaio zen Rojo, 1949an. 1976an UGTn sartu zen, eta handik urtebetera PSEn. Arabako sozialisten buruetakoa izan da urteetan; 2000n kasu, Arabako PSE-EEren idazkari nagusi hautatu zuten. Hainbat kargu instituzionaletan egon izan da Euskal Autonomia Erkidegoan: Araban diputatu, Gasteizen zinegotzi, Eusko Legebiltzarrean parlamentario... 1982an Espainiako Kongresuko diputatu aukeratu zuten, 1986an eta 1989an ere bai. 1993an, berriz, lehen aldiz senatari; 1996an, 2000n, 2004an eta 2008an ere aukeratu zuten senatari izateko.
Rojo aukeratu dute berriro Senatuko presidente
Iruzkinak
Ez dago iruzkinik
Ordenatu
