Bertie Ahern Irlandako lehen ministro ohia igandean Bilbon izango da, berak jasoko baitu Sabino Arana Fundazioak Donostiako Nazioarteko Konferentziari emango dion saria. Aieteko Konferentzia babestu zuten nazioarteko politikari ezagunen taldekoa da Ahern, eta adierazpena irakurri zuena. Urriaren 17an izan zen ekitaldia; ETAk handik hiru egunera jakinarazi zuen borroka armatua betiko utzi duela.
Sabino Arana Fundazioaren sari banaketa ekitaldia Arriaga antzokian izango da, 12:00etatik aurrera.
