Frantziako Poliziak jakinarazi duenez, ezezagunek "une berean" hainbat sabotaje egin dituzte gaur Frantzian Abiadura Handiko Trenaren (AHT) ibilbidean. Paris-Estrasburgo, Paris-Le Mans, Paris-Lille-Brusela-Londres eta Paris-Lyon-Marseilla ibilbideetan egin dituzte erasoak.
Suteak eragin dituzte erasotzaileek, eta tren batzuen bidaiak bertan behera utzi behar izan dituzte.
Dominique Bussereau Garraio estatu idazkariak erasoak "larriak" direla esan du, "gaitzesteko modukoak". CGT sindikatuak ere salatu egin ditu ekintzak, "onartezinak baitira".
Sabotajeak egin dituzte Frantziako Abiadura Handiko Trenaren ibilbidean
Iruzkinak
Ez dago iruzkinik
Ordenatu
