Hasier Arraiz Sortuko presidenteak adierazi du bere alderdiak bakegintzako bidea EAJrekin eta PSErekin hitzartu nahi duela, "prozesua ordenatua" izan dadin. Hartara, haren arabera, "bidea azkarrago" egingo litzateke. Kasu, "prozesua adostua, ordenatua eta kontrolatua balitz", ETAk armagabetzea arinago egingo luke, hark uste duenez.
Arraizek esan du ezker abertzalea aldebakartasunez ari dela, baina euren xedea ez dela besteen "txaloa" jasotzea, baizik eta pausoak adostea. Euskal presoak, biktimak, memoria historikoa eta Euskal Herriaren "desmilitarizazioa" bezalako ardatzak jasoko lituzke hitzarmenak, baita baita "gaztakaren muina" ere: Euskal Herriaren aitortza eta erabakitzeko eskubidea.
Lehentasuna, presoak Euskal Herriko kartzeletara ekartzea dela deritzo, eta azaldu du haiek datozen egunetan hasiko direla eskaerak tramitatzen.
