Ahal Dugu-k aurkeztu zuen mozioa, eta erdibideko zuzenketa babestu dute EAJk, EH Bilduk, PSEk eta Ahal Dugu-k berak. Horren bidez, erakundeei eskatu diete neurriak harditzatela tasa arrosa ezabatzeko.
Zenbait produktu edo zerbitzuren truke emakumeek gehiago ordaindu behar izateari deritzo tasa arrosa. Ione Cisneros Ahal Dugu-ko batzarkideak azpimarratu du tasa arrosaren aurka egitea "berdintasun" eta "duintasun" kontua dela, eta hori zuzendu beharra dagoela "kontsumitzaile eta erabiltzaileen oinarrizko eskubideen aurka" egiten duelako.
Batzar Nagusiek Eusko Jaurlaritzari eskatu diote txosten bat egin dezala tasa horrek Araba, Bizkai eta Gipuzkoan duen eragina neurtzeko; halaber, Kontsumobideri eta Emakunderi galdegin diote tasa horrek eragin dezakeen arau haustea azter dezala.
