Aberri Eguna bihar izango den arren, Udalbiltza-Udalbide erakundeak gaur ospatu du -EAJko eta EA hautetsiek osatzen dute-, Jata mendian (Mungia, Bizkaia), eta Julian Eizmendi presidenteak Euskal Herria nazioa dela aldarrikatu du, erabaki eskubidea lortzea beharrekotzat jo du, "baina ETAk hor jarraitzen du, eta bera da [abertzaleen arteko] lankidetzarako oztopo nagusia".
Euskal Herriko aberria Euskadi da lelopean egin dute ekitaldia, jai giroan: zazpi euskal lurraldeetako ikurrinak altxatu dituzte, mokadua egin dute... Eizmendik PSE-EE eta PP ere kritikatu ditu, "Madrilgo estrategia jarraituz abertzaletasuna hondatu nahi dutelako". PSE-EEk eta PPk Eusko Jaurlaritzara begira oinarrizko akordioa sinatu berri dute, eta Patxi Lopez sozialista izango da lehendakaria -beti EAJko kidea izan da Jaurlaritzako buru-
2003ko azarotik da Eizmendi Udalbiltza-Udalbideko presidentea. Azpeitiko (Gipuzkoa) alkatea da eta EAJko kidea.
Udalbidek dio ETA dela abertzaleen arteko lankidetzarako "oztopo nagusia"
Iruzkinak
Ez dago iruzkinik
Ordenatu
