berria Udako narrazioak

Udako narrazioak

Euskal Herriko, Galiziako, Kataluniako eta Irlandako idazleek sortuko dute udako narrazio sorta aurten. BERRIAk elkarlanean jardungo du Kataluniako Vilaweb, Galiziako Nòs Diario eta Irlandako BelfastMedia.com egunkariekin.

Juan Luis Zabala

Urteetan Euskaldunon Egunkaria-n eta BERRIAn kazetari lanean aritu ostean, itzultzaile ari da gaur egun Juan Luis Zabala (Azkoitia, Gipuzkoa, 1963). Literatur lan ugari argitaratu ditu: nobelak (Zigarrokin ziztrin baten azken keak, 1985; Kaka esplikatzen, 1989; Galdu arte, 1996; Agur Euzkadi, 2000; Txistu eta biok, 2016), eta narrazio bildumak (Gertaerei begira, 1988; Sakoneta, 1994; Ospa, 2017). Baita dietario bat (Inon izatekotan, 2006) eta bi biografia ere (Jesus Mari Artze, ttakunaren esku isila, 2003; eta Maltzeta, soinu bete bihotz, 2012).

Yurre Ugarte

Gidoigilea lanbidez, Yurre Ugartek (Tolosa, Gipuzkoa, 1965) telebistarako eta zinemarako gidoiak idatzi ditu, baita antzerkirako testuak (Ezin ihesi), komikiak (Katu hegoduna, Joana Maiz) eta haur literaturako lanak ere (Naia eta Nabil detektibeak). 2010ean argitaratu zuen bere aurreneko narrazio bilduma (Gasolindegian), eta hamar urteren ondoren, joan den udazkenean kaleratu zuen bere bigarren ipuin liburua: Lilurabera.

Uxue Apaolaza

Hernanin (Gipuzkoa) jaio zen, 1981ean. Umeek gezurra esaten dutenetik (Erein, 2005) ipuin liburua du bere lehenengo lan argitaratua. 2009an, Igartza saria irabazi zuen Hiltzaileak eleberri proiektuarekin, eta horren bidez argitaratu zuen Mea culpa nobela, 2011n (Elkar). Horren aurretik, Frantzisko Xabierkoa iheslaria biografia kaleratu zuen (Txertoa, 2008). Historiako lizentziaduna da, eta prentsa idatzian ere aritua; BERRIA egunkarian zutabegile jarduna.

Andrea Barreira Freije

Kazetaritzan lizentziatua. Literatura fantastikoa idazten du. Palabra de Bruxa (Galaxia, 2018) eta Non hai luz sen escuridade (Urco, 2015) liburuak argitaratu ditu, baita zenbait ipuin antologia kolektiboetan, adibidez O libro dos libros (Galaxia) eta Contos do Sacaúntos. Romasanta o criminal (Urco) argitalpenetan. Umeentzako Que pode saír mal? gabon ipuina ere sortu zuen Ana Seoaneren ilustrazioekin Pontexogos ekimenerako (Pontevedra, 2016/17). Zenbait irakurle talde koordinatzen ditu Santiagoko Anxel Casal liburutegi publikoan eta A Coruñako Miguel Gonzalez-Garces liburutegi publikoan. Narratiba mintegiak ematen ditu, nerabe zein helduentzat, Pontevedrako Taller Abierto Gestion Cultural-en baita eskola, institutu, liburutegi, azoka eta literatur ekitaldietan. Literatur kritikarako A Sega talde feministako kidea da.

 

Maria Rei Vilas

Larachan (Coruña) jaio zen, 1964ko martxoan. Biologia ikasi zuen Santiago de Compostelako unibertsitatean. 1990az geroztik, Biologia eta Geologia irakasle dihardu bigarren hezkuntzan. Maite du lanbide hori, inoiz ez baitio ikasteari uzten. Eta, oraindik ere, izugarri gustatzen baitzaio natura aztertzea. Gaur egun Larachan bizi da, jaio zen etxe berean, eta herri horretako Agra de Leboris BHIn lan egiten du. Aspalditik izan du narratibaren zaletasuna, baina, iaz arte, irakaskuntzarekin lotuta zeuden bere argitalpen guztiak: DBHko eta batxilergoko testu liburuak eta irakaskuntza gidak. 2020. urtean, Flores de ferro bere lehen nobelak Garcia Barros saria irabazi zuen. Aitortza horrek eta euren iritziak helarazten dizkioten irakurleen onespenak jarraitzeko indarra eman diotela dio. Uste du entzunak izatea merezi duten ahots isildu asko daudela oraindik: esaterako, Almarena, kontakizun honetako protagonistarena.

Anxos Sumai

Oeste herrixkan (Pontevedra, Galizia) jaio zen Anxos Sumai, Ulla ibaiaren ondoan. Culturagalega.gal atarian hasi zen argitaratzen, eta Anxos e Diaños, Anxo de garda eta Crítica da memoria pura atalen arduraduna izan zen. Narratzaile modura zenbait liburu argitaratu ditu; besteak beste, Anxos de garda, Melodía de días usados, Así nacen as baleas, Perigosamente normais, Fedya Sergeevich derreteuse de amor, A lúa da colleita eta Sendas de Ons. Liburu kolektiboetan ere parte hartu izan du: Fisuras no cotiá, Ghats, 241006, Educación e paz, Camiñan descalzas polas rochas, cartas de amor, Cociñando ao pé da letra, Contra o vento, O libro dos libros, Libres e vivas, Entre donas… Galiziako Kritikaren saria jaso zuen Anxos de garda liburuagatik; Narrativa Breve Repsol eta Arcebispo San Clemente sariak, Así nacen as baleas lanagatik; Garcia Barros de Novela, Critica de Narrativa Galega e AELG-ren sariak, A lúa da colleita liburuagatik, hala nola Blanco Torres de Xornalismo saria, culturagalega.gal atarirako eta Radio Galega-ren kultur albistegirako kolaborazioengatik.

Neus Canyelles

Neus Canyellesek (Palma, Herrialde Katalanak, 1966) 1998an hasi zuen bere literatura ibilbidea, Neu d'agost. Un llibre de memòries (Abuztuko elurra. Oroitzapen liburu bat) liburuarekin (Bearn saria, 1998). 2002an Els vidres nets (Kristal garbiak) ipuin bilduma argitaratu ondoren, Llorenç Villalonga Palmako Hiria saria irabazi zuen Cap d'Hornos (2003) (Hornos lurmuturra) liburuarekin. L'alè del búfal a l'hivern (Bufaloaren hatsa neguan) liburua idatzi zuen gero (Odisearen Irakurlea saria eta Llibreter sariko finalista 2007an). 2010ean, La novelála de Dickens (Dickensen eleberria) argitaratu zuen, eta berriz ipuinak idazteari ekin zion gero, Mai no sé què fer fora de casa (Inoiz ez dut jakiten zer egin etxetik kanpo) liburuarekin (Merce Rodoreda saria 2013). Haren azken bi obrak, hauexek: Les millors vacances de la meva vida (2019) (Nire bizitzako oporrik onenak) eta Autobiografia autoritzada (2021) (Autografia baimendua). Ez zaio gustatzen galdetzea zergatik idazten duen, ez baitaki. Bere obretako pertsonaiak bezalakoa da: bizi diren mundua ulertzen ez duten pertsonak, baina egunero mundu horri aurre egin behar diotenak. Eta gero eta ezaxola handiagoarekin.

Anna Gas Serra

Anna Gas Serra (Bartzelona, 1996) Literatura Ikasketetan graduatua da Bartzelonako Unibertsitatean; egun, Psikologia ikasten ari da unibertsitate berean. Idazle gazteentzako Joan Duch poesia sariari esker argitaratu zuen bere lehen olerki liburua, Crossa d'aigua (Editorial Fonoll, 2017). Bigarrena, Llengua d'àntrax (Edicions del Buc), 2019an kaleratu zuen, eta, harekin, 2020ko Josep Maria Llompart poesia saria eskuratu zuen, AELC Idazle Katalanen Elkarteak urtero antolatzen duen Cavall Verd sariketan. 2018az geroztik, hainbat olerki antologiatan parte hartu du, eta haren lanak ingelesera, gaztelaniara, italierara eta galegora itzuli dituzte. 2020an Merce Rodoreda ipuin eta narrazio saria irabazirik, El pendòl (Edicions Proa) kaleratu du aurten, bere lehen ipuin bilduma.

Raquel Ricart Leal

Raquel Ricart Leal (Betera, 1962). Eleberri beltz batekin hasi zuen ibilbidea: Un mort al sindicat (1999). Gazteentzako eleberri batzuk idatzi ditu: Van ploure estrelles, El quadern d'Àngela (Vila de Paterna eta Samaruc sariak irabazi zituen; The White Ravens katalogoan sartua dago, eta galizierara itzulia), En les mars perdudes (Gazte Narratibaren Bancaixa saria). 2010ean, Les ratlles de la vida argitaratu zuen (Andromina saria, Idazle Valentziarren Kritika Saria eta literatur sorkuntzako IIFVren saria). 2015ean, El ciutadà perfecte zientzia fikziozko eleberria atera zuen (IIFVren gazte literaturako kritika saria irabazi zuen, eta galizierara itzulia dago). 2015ean, El Lector de l'Odissea saria irabazi zuen, El temps de cada cosa lanari esker. Zenbait kontakizun liburutan parte hartu du: Entre dones (2016), La improbable vida de Joan Fuster (2017), Nosaltres, els fusterians (2017), Assassins valencians (2019). Azken nobela bukatzen ari da.

Realtan Ni Leannain

Realtan Ni Leannain Belfasten jaio zen, Irlandan, 1960an. Dublinen bizi da. Lau liburu argitaratu ditu: poesia bilduma bat, eleberri bat eta bi ipuin bilduma. Haren ipuinak zenbait aldizkari eta antologiatan azaldu dira. Orain ipuinen antologia bat editatzen ari da Eabhloid argitaletxearekin.

Sean O Muireagain

Sean O Muireagain Belfastekoa da (Ipar Irlanda. Poeta, kantaria, idazlea. Aktibista izan zen eta da bere herrian. Maite du musika tradizionala, eta dio gau atsegin gehiegi pasatu dituela kantari eta bizitzaz gozatzen Donegalen, bundún dearg na hoíche arte (goizaldeko talo gorria agertu arte).