Kontsumoa amaituta, autokritikarako ordua

Kontsumoaren erruleta zoroan sartuta ibilitako egunak joan dira, eta betekada galantarekin bukatu da dena (ez bakarrik tripako betekadarekin). Olentzerok eta erregeek haurrei zenbat opari ekarri dizkieten kexatuko gara helduok, gehiegikeria dela, eta ez dakitela zer eskatu ere. Autokritikarako gai ote gara? Uste dut helduok estutzen ditugula umeak opariak eska ditzaten. Antzerki zoro horretan sartzen ditugu, eta begiak platerak bezala jarrita pasatzen dituzte hamabost egun, gezurretazko mundu batean.