Ez dakizu zergatik gutariko bakoitzak
Automutilatzea duen amets
Haragi puska odoltsua
Bihurtzeraino
Aitaren etxea zutik
Iraun dezan.
Harrizko herriko
Olerkari kuttunaren
Hitzak
Hautematean
Egoeraren ankerraz
Jabetzen zara.
Ez duzu etxerik
Nahi
Ez duzu aitarik
Nahi
Zer egin marrakatzen dizuten
Hilotz ibiltariez
Lepo zaude.
Euskalmeten agiria
Aski duzu
Goizeko seietan
Haizeak nondik
Nora
Ufatuko duen
Jakiteko.
Ez duzu etxerik
Nahi
Ez duzu aitarik
Nahi…