Irribarre egiteko

 

Ahaztu genezake.

Malkoak xukatu eta isilik jarraitu.

Lainoak hartutako txori errari bat bezala bizi,

gure iraganaren geografia egin gabe.

 

Oroitzeko ahaleginik egin gabe egon gintezke,

gure oinen azpian datzan egia bilatu gabe,

gaueko tximeleta baten gisan,

iluntasunari eutsiz,

akorduari izen-abizenik jarri gabe.

 

Baina ez dugu nahi.

Denak gogoan izateko garaia da.

Inorenak izan ez diren haiek ere gure izateko.

Gordean edukitako mina esateko.

Galdutako aldiak berreskuratzeko.

Irribarre egiteko.

 

Castillo Suárez
Irudia: Dayga Ellaby

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Featuring WPMU Bloglist Widget by YD WordPress Developer