Vietnam

 

Andrea, nola duzu izena? —Ez dakit.

Zenbat urte dituzu, nongoa zara? —Ez dakit.

Zergatik egin duzu zulo hau? —Ez dakit.

Noiztik zabiltza gordean? —Ez dakit.

Zergatik egin diozu haginka nire atzamarrari? —Ez dakit.

Ez dakizu ez dizugula ezer egingo? —Ez dakit.

Noren alde zaude? —Ez dakit.

Gerran gaude, aukera egin beharra duzu. —Ez dakit.

Zu bizi zinen herrixka, bada oraindik? —Ez dakit.

Hauek dira zure seme-alabak? —Bai.

 

Wislawa Szymborska
Itzulpena: Iñigo Aranbarri
Irudia: Izaskun Etxeberria

Featuring WPMU Bloglist Widget by YD WordPress Developer