Kapera txiki bat

 

Abandonatu nauen jendeari maitagarria deritzot

maitagarria eta batez ere argia

argia ihesa bertutea izan daitekeelako

bertutea traizioa edo hilketa izan daitezkeen bezala

baina traizioa edo hilketa baino dotoreago beti

askoz dotoreago beti ohea gau erdian isilean uztea

eta isilean musu ematea

azken musua azken keinu gozoa

gozoa aurrez aurre arantzak trukatzearen aldean

eta gutxienez gogoratzearen ariketa

ariketa lausoa posible bihurtzen da horrela

haizearen tolesturetan

kapera txiki bat eraiki daiteke eta bertan gorde

bertan gorde eroritako idoloak

eta guretzat aspaldi lokartu ziren begiak.

 

Igor Estankona
Irudia: David Cohen

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Featuring WPMU Bloglist Widget by YD WordPress Developer