Anjel Lertxundi.
Hitz beste

Suizidioa

2014ko otsailaren 6a
00:00
Entzun
Buru-hil, Jainkoari eskua hartu, nor bere eskuz hil, lepo egin, burua xahutu (galdu, bota, zintzilikatu…), burua urari (amildegiari…) eman, Judasen legez hil… Suizidioa erdi gordetzeko formulak, izugarrikeria leuntzeko erak. Eta tabuaren espresio guztien artean, usuena, esankorrena: buruaz beste egin. Alienazio guztizkoaren definizio zehatza. Buruaz. Beste. Buruak uko egin dio bere jabetzari.

Azken datuek diote suizidioa dela gurean heriotz-kausa lehena, motibo naturalen ondoren. Errepideko istripuen gainetik, lehen aldiz. Kausak? Camusentzat arazo filosofiko bakarra dago benetan serioa: suizidioa. Zer zentzu du mundualdiak? «Heldu da ordua» izan ziren Sándor Márairen azken hitzak; ondoren, tiro bat lokian. Ordua eta modua, berak erabakiak. Bera, bere buruaren jainko eta esku. «Aski da adore piska bat […] Apaltasuna behar da, ez harrokeria», idatzi zuen Pavesek, lotarako pastila mordoa hartu aurretik.

Isiltasuna.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.