Komunikazioa. Ekografiak

Homologagarria

Aritz Galarraga -

2012ko azaroak 10

Derrigorrezko Bigarren Hezkuntza. Zer da hori, ze tristura, Oinarrizko Hezkuntza Orokorraren aldean, Batxilergo Balioaniztun Bateratuarekin erkatuta. Inizialak ere ezin konparatuzkoak dira, OHO, BBB, askoz irmoagoak DBH eskas hori baino. OHO eta BBB garaiko zaharrunook, beraz, derrigor izan behar dugu zerbait DBH garaiko mukizu hauen aldean, ez dakit, formazio akademiko sendoagoa, munduari aurre egiteko erraminta zorrotzagoak, besterik ez bada iraganarekiko urguilu vintage bat. Derrigor izan behar dugu zerbait, baina ez naiz kapaz ikusteko zer. Eta DBH horrek badu, gainera, telesail bat, euskaraz, euskal telebista publikoan.

Surio ondorengo hirugarren urtean, hartara, arrandia-handitasunean, Surio garaiko bigarren euskarazko telesaila estreinatu berri da, pasa den astean —nahiz zalantzak ditudan: oraingo Jaurlaritza jardunekoa bada, oraingo EITBko gobernua ere jardunekoa izango da, ezta?—. Surio garaiko lehen euskarazko telesailak, bestalde, Bi eta bat mitiko haren revival-ak, badirudi ez duela iraileko azterketa gainditu: irailean eta urrian eman dituzten bost atal horien ikusle datuen arabera erabaki behar zuen ETBko zuzendaritzak telesailarekin jarraitzea ala ez. Eta ez dute jarraipenik iragarri.

DBH telesaila, beraz, estreinatu da orain. Ostegunetan ematen dute 40 minutuko saio osoa, eta astean zehar —igande, astelehen, astearte eta asteazkenetan—, zatituta, baina errepikatuta, 10 minutuko pildoratxoak. Eta, jakinik telesaila pildoratan ikusteko pentsatu dela, ez litzateke egokiagoa pildorak ematea orijinalak eta ostegunetan jada emandako pildoren bilduma osoa ematea? Uste dut baietz, baina ETBko programatzaileen esku legoke hori ere.

Programatzaileen esku ez dagoena, behintzat, telesaila bera egitea da. Hori Nagore Aranbururen zuzendaritzaren, Mikel Pagadizabal, Egoitz Lasa, Angel Aldarondoren gidoien esku dago. Eta esan beharra dut telesail aski txukuna ateratzen ari zaiela. Ez bakarrik aditz trinko ezin ederragoak erabiltzen dituelako. Ez bakarrik euskal aktore onenei —Mikel Martinez, Ramon Agirre, Joseba Apaolaza, Elena Irureta...— zukua ondo ateratzen dielako. Horiez gain, umorezko telesail bati dagokion bezala, barre eginarazten dizulako da txukuna; eta horrek, hitz zatar askoa erabiltzearren, homologagarri egiten duelako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna