JIRA

Bandoak

Angel Erro -

2017ko otsailak 18

Gaur Nafarroako Gobernuak biktimen, biktima batzuen (biktimak beti dira batzuk, zehatzak, kaltetu dutenen arau birdefinitu eta sailkagarriak) aldeko omenaldiak bazterrak harrotu ditu. Harrotu egin da omenaldian parte hartu nahi ez duen alderdi bat edo beste; harroago, egon da foru erkidegoko lehendakaria iraindu duenik ere. Niri ez zait buruan sartzen nola pentsa daitekeen biktima batzuen omenaldi, oroitzapen eta ordaintza beste norbaiten kontrako ekitaldia daitekeenik. Beste norbait hori, batez ere, beste biktima batzuk baldin bada. Oinaze edo kalte batek ez du ondokoa ezabatzen eta ezin du ondokoa ukatu. Jende horrek modu bidegabe eta berekoian bi bandoak daudela ikusarazi nahi du. Bi bando horiek egon daitezke sufrimendua eragin dutenen artean, baina inola ere ez biktimen artean; hasi eta behin, ustezko bando bakoitzak ordezkatu nahi edo uste izan duen jendartean berean kaltea eta biktimak eragin dituelako, ez bakarrik kontrakoan.

Hemendik urrun bonba bat lehertzen denean biktima errugabeaz mintzo dira teleberrietan. Hurbilagoko biktimei errugabetasuna eta harekin biktimatasuna kendu nahian dabiltzanak ausartu daitezela argi eta garbi egiten. Edo aitor dezatela guztionak direla biktima guztiak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna