HITZ BESTE

Apalaldia

2015eko urriak 14

Euskara batuak, berrogeita hamar urte. Ikastolek beste hainbeste. Alfabetatze mugimenduak, halatsu. Susperraldi sekulako haren ostean izan dira lorpen berriak ere: unibertsitate publikoek zein pribatuek, hedabide publikoek eta pribatuek ekarri handia egin diote euskarari. Asko egin zen, ez da aski. Apalaldian gaudela zioen atzo Mikel Irizarrek, Gipuzkoako Diputazioko Hizkuntza Berdintasuneko zuzendariak. Apalaldia uler daiteke umiltasun gisa, geure buruak ez handiestearen aldetik (psikologikoa). Uler daiteke baita beherakada moduan ere (politikoa, soziala, kulturala). Baita itsasoarena bezalako barealdi gisa ere (fisikoa). Ez dakit Irizarrek zein adiera eman nahi zion hitzari, baina euskararen inguruan detektatzen duen apalaldiaren hiru adierek sortzen dute gutxienez galdera bana: umil apatiko eta etsipen puntu batez gaude? Susperraldiaren dekadentzia bizitzen ari gara? Barealdia indar falta da, itsas zakarraren abisua, akaso?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut