LARREPETIT

Amerikanuak

Onintza Enbeita -

2016ko azaroak 4

Euskaldunok betidanik izan dugu halako miresmena gure diasporarekiko. Zeukaten guztia hemen utzi eta itsasoa gurutzatu zuten gizon-emakumeez asko idatzi dugu: nola heldu ziren Ameriketara kokotetik txartel bat eskegita, erdararik jakin gabe. Baserriz eta zelaiz betetako herri txistularia utzi zuten hemen, eta badakigu, handik hona begiratu izan dutenean, hala irudikatu gaituztela. Baina, orain, gu ez gara arta-jorra hutsetik bizi: errepide zabalak ditugu, super portua, titaniozko eraikin modernoak... eta hara joan zirenei hemengo bizimodua zenbat aldatu den esplikatzen diegu bisitan arrimatzen zaizkigunean.

Ahaztu egiten zaigu, ordea, haiek han bizi direla, amerikanuak direla, eta gehienak ez direla joan zirenean bezain pobre. Haien bizimodua ere aldatu egin da; eta hemen ezin bada zintzo jokatuta inor aberastu, han ere ez. Hego Ameriketako diktadurak abizen euskaldunez beteta daude. Ipar Ameriketara joandako euskaldun asko, errepublikano peto-petoak dira. Baina nola nahi duguna baino ez dugun gogoratzen, bat-batean, harrigarria, nazkagarria, terriblea iruditu zaigu Donald Trumpen aldeko hitzak Markinako euskara garbian entzutea. Nola, baina? Trump arrazista da, matxista, klasista, homofoboa! Sare sozialetan idatzi dugu zelako auzo lotsa sentitu dugun euskaldunak Donaldi buruz ondo berbetan entzunda.

Eta pentsatu dut, Trumpi botoa ematea hain izugarria iruditzen zaien horiek, ez ote dioten egundo botorik eman hautagai matxista bati. Neure buruari galdetu diot ez ote dugun ozeanoaren alde honetan alkate arrazistarik sekula izan. Ez. Gu ez gara besteak baino berbakoagoak ez jatorragoak. Ozeanoaren alde honetako euskaldunak ere pertsonak gara: ezkertiarrak edo ez, homofoboak edo ez, feministak edo ez, lagunak edo ez. Eta hemen ere, ez dugu beti hautagairik justuenen alde egiten. Gure txakurrak ere ortozik dabiltza.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Azkoien izan zen halako neurriak hartu zituzten lehen herria. ©Idoia Zabaleta / Foku

San Adrianen murrizketak ezarriko dituzte, bihar gauerditik aurrera

Joxerra Senar

Beste hiru herritan aurretik egin bezala, mugimendua mugatu egingo da eta saltokietan zein ostatuetan edukiera erdira murriztuko da. Ostatuek 22:00etarako itxi beharko dute.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna