Albistea entzun

ARGI ALDIAN

Azterketak

Marian Iriarte - Kimika irakaslea EHUn

2016ko ekainak 19

Ikasturtea amaitzear dago, ikasleak estresatuta, irakasleak nekatuta, baina gutxi falta da. Animo! Azkenengo astean denon ahotan ibili dira unibertsitatera sartzeko probetan azterketa batekin izandako gorabeherak. Ez naiz hasiko zutabe honetan haren alde edo aurka eztabaidatzen, ez da hori nire asmoa. Baina bai ikasleek batzuetan irakurritakoa ulertzeko duten zailtasunari buruz. Mundu espezializatu honetan, batzuen ustez ingeniaria izan nahi duen ikasleak ez luke denbora zertan galdu letretako beste jakintzagai batzuetan. Zertarako filosofia? Edo, hain garrantzitsua al da txukun idaztea? Batzuek eta besteek aitortu dute ditxosozko azterketa horretan edukia baino gehiago forma izan dela arazo nagusia.

Urte dezente daramatzagu unibertsitatean gure ikasleak gauzak egiten trebatu behar ditugula entzuten, ez da garrantzitsua edukia bera, egiten jakitea baizik. Eta, horregatik, irakaskuntza bera aldatu behar da, ikasleak problema edo egoera jakin batzuen aurrean ipini behar dira, eta arazo edo egoera horri aurre egiten jakin behar dute. Hori horrela, azterketetan ere eguneroko bizitzan gertatzen diren egoerak planteatzen zaizkie. Eta, askotan, hor dator arazoa. Nire 18 urteko ikasleen artean frogatu dut hori. Azterketa erraza izanagatik ere, batek baino gehiagok kale egiten du ariketa bera ulertzen ez duelako. Datu batzuk eman eta zerbait kalkulatzea baino gehiago, benetako egoera baten aurrean jarri, eta problema nola ebatzi jakin behar dute. Eta hortxe koska. Hizkuntza komunikatzeko behar dugun tresna da, eta beste edozein jakintzagai behar bezala ulertu eta menderatzeko ezinbestekoa da. Horren harira, filosofiako irakasleek filosofia bigarren hezkuntzatik baztertua ez izateko kanpaina batean sinatu dut. Ea lortzen dugun!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Feminismoaren zati batek amatasunaren biologia ukatu du»

Maddi Ane Txoperena Iribarren

Lagoma Pombarrek eta Fernandez Maritxalarrek 11 amaren eta bi aitaren bizipenak bildu dituzte 'M ama* eme* ume*' liburuan. Uste dute guziek «arrakalatzen» dituztela amatasunaren instituzioak «inposatutako» ereduak.
UEUko zuzendariak omendu zituzten, UEUko kide guziei emandako omenaldi gisa. ©BOB EDME

Euskal unibertsitatea obretan, baina irekia

Ekhi Erremundegi Beloki

Udako Euskal Unibertsitateen 50. urteurrena ospatu dute Miarritzen, aurtengo ikastaroei hasiera emateko ekitaldian. Urteetan UEU egin dutenak omentzeko eta etorkizunerako erronkez mintzatzeko aukera izan da.
Ukrainako errefuxiatuak, Euskal Herrian. / ©Ane Maruri Aransolo, Busturialdeko Hitza

Ardura osoa herritarren gain utzita

Ibai Maruri Bilbao, Bizkaiko Hitza

Gerratik ihesi etorri diren ukrainarrei lagundu dieten familiek salatu dute ez dutela administrazioaren laguntzarik. Espainiako Estatuari eskatu diote legea bete eta errefuxiatuen kargu egiteko.

Euskara aurrera, milaka lagun Donostian euskararen alde

Milaka lagunek hartu dituzte Donostiako kaleak euskararen alde

Julen Aperribai

Ohikoan baino nabarmen handiagoa izan da gazteen presentzia, manifestazioan zein aldarrikapenetan. Euskal Herrian euskaraz bizitzeko dauden oztopoengatik «kezka» agertu dute antolatzaileek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...