Noiz sortua: 2016-05-04 00:30:00

EKOGRAFIAK

Armak

Leire Palacios -

2016ko maiatzak 4

Saiatu naiz baina ez dut lortu. Zer nahi duzue esatea? Nik grazia hori ez daukat», zihoen Aitziber Garmendiak aurreko ostegunean. Modeloak bezala pasarelan bueltaka alde batetik bestera ibiltzen ikasi nahi zuen, bere ustez graziarik gabe. Haatik, zintzoki, Garmendiak zerbait badu da kamera aurrean edozein erregistrotan aritzeko grazia. Batek daki zergatik telebistan daramatzan urte luze horietan, oraintsu hasi den nabarmen egiten. Azkenaldian nabarmenagoa esan nahi dut. Ziur aski Zuek hor saioak zuen gauzarik onenetarikoa zelako. Garmendia ez da egun bateko lorea, esfortzuak ureztatutako lanetik loratu den harribitxia baizik. Honez gero, ezin ezkutatu pozarren naizela Nagore Aranburu, Ainere Tolosa edota Iñake Irastortzarekin batera —eta beste hainbat— osatzen duten umoregileen taldea osasuntsu dagoelako. Are gehiago, taldeak ez dezala hazteari utzi!

Hainbatetan talaia honetatik errepikatu dugun «umorea oso kontu serioa da» horren esentzia biltzen du Garmendiak. Hiru saio eman dituzte —asteon dator laugarrena— eta ur handitan murgiltzeko arazorik ez dute izan. Tira, badakigu telebista telebista dela, eta zer mugen barruan jokatzen ari diren. Edota zer mugen kontra borrokatzen ari garen lerrootatik. Goazen mamira. Batek daki saioak hiru ardatz izan ditu: haurrak, zoriona eta gorputza. Hainbat ertzetatik egin diote aurre kontu bakoitzari, eta egia da emakumearen presentzia nabaria dela. Baina bestalde, egia da baita ere, heteroarauak batez ere femeninotzat jotzen dituen gaiak jorratu dituztela. Zalantza dut horrekin, kontraesana sortzen dit. Beraz, gogotsu nago Garmendiaren hurrengo galdera entzun, eta erantzun posibleak algaraka estalgabetzeko.

Teknikan dabilen taldearen eta ekoizpen taldearen lana agerikoa da. Platorik ez duen saioa da, hainbat lokalizazio eta gonbidatu dituena, eta irudi, argiztapen zein soinu zainduak dituena. Gainera, nabarmenki emaitza ona ematen duen errekurtsoa martxan jarri dute: Garmendiaren erreakzio keinuak sartzen dituzte tarteka. Hau da, helburu umoristikoa duten gag-ak erabiltzen dituzte. Horiek, karga arindu baino, barrea sortzen duenaren garrantzia areagotzen du. Arma da umorea.

Batek daki kateak formatuan konfiantza izaten jarraituko duen, baina ni gogoz nago ostegunak noiz heldu zain.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna