IRLEN SAREA

Diotenez

Gorka Julio -

2016ko apirilak 9

Famatu bihurtu dugu #diotenez hashtaga. Twitterren bereziki frogatu gabeko informazioak, zurrumurruak etiketatzeko erabiltzen dugu. Interneteko sare sozialek zurrumurruen hedapenerako ingurune berri, bikaina eta globala direla badakigu, baina hedatzeko dituzten mekanismoei buruz ezer gutxi dakigu.

Fenomeno horiek ulertzen laguntzeko, Arkaitz Zubiagak eta bere lantaldeak metodologia bat proposatu du ikerketa batean, PHEME informazioaren egiazkotasuna datu analisiaren bidez aztertzen saiatzen den Europako proiektuaren markoan.

Ikerketak jasotzen duena zehatz azaldu baino, elkarrizketa batean Zubiagak komunikazioaz esanda zidanari buruz arituko naiz datozen lerrotan. Ikerketaren emaitzak asko izan badira ere, bat beste batzuen gainetik gailentzen da: «Faltsuak diren zurrumurruak egiazko direnak baino gehiago hedatzen dira».

Zurrumurruaren definizioa bera adosteko zailtasunak nabarmendu ditu Zubiagak. Horregatik gertakari garrantzitsuak hautatu eta kazetarien laguntza beharrezkoa izan dute. Prozesu osoan, kazetarien rola berebizikoa izan da, zurrumurruak identifikatu, sailkatu, baieztatu edo ezeztapena identifikatu... Teknologiek laguntza ematen dute, baina giza konputazioa ezinbestekoa izan da oraindik ere.

Erronka hori gaindituta, datuak aztertzen hasi dira. Eta proposatutako metodologiari jarraituz, ikusi dute benetakoak suertatzen ziren zurrumurruek, behin egiaztapena lortuta, hedapena geldotzen zutela. Aldiz, ondoren gezurtatzen zirenak, gezurrezkoak zirela frogatzeko ebidentzien faltan, hedapen gehiago izateko joera zuten.

Aldi berean, zurrumurruek, frogatu ez direnean duten hedapen gaitasuna, ondoren egiazko edo faltsua frogatu baino lehen, hedapen handiagoa lortzen dute bere izaeragatik soilik. Jendartearen gehiengo zabalak ez du kritikotasunik azaltzen jasotzen duen informazioarekin, eta zurrumurru hedatzaile bilakatzen da.

Diotenez, etorkizuneko helburuen artean, jasotako datuetan oinarrituz, ikasketa automatikoaren bidez hobetu nahi dute prozesua, kazetariek egin beharreko lana errazteko. Kazetariak ordezkatzea baino, horiek zurrumurruen aurrean dituzten mekanismoak hobetzea du helburu ikerketak, momentuz. Baina etorkizunean, zeinek daki.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiari 1813an su eman ziotela oroitzeko Dora Salazarrek egindako eskultura, maskara jantzita ©JUAN CARLOS RUIZ / FOKU

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna