LARREPETIT

Xalotasunez

Manex Agirre -

2017ko ekainak 15
Badira nahi besteko zehaztasunez ezagutu ezingo ditugun datuak; adibidez, gerra zibilak pizkundea hautsi aurretik zenbat euskal herritar zegoen euskaraz irakurri eta idazteko gaitasuna zuena, hau da, alfabetatua. Gutxiengotik beherakoa izango zen kopurua, seguru, baina oinarri bat gutxienez, «nondik hasi» bat, estrategiak antolatzeko ardatz bat. Ia zerora beheratu baikintuen frankismoak: ardatza apurtu egin zuen, ez ardatza gutxitu.

Xalotasunez ikusten dugu, euskaraz ikasteko aukera izan dugun belaunaldietakook, gu baino adinez goragoko euskaldun-zaharrek nola jotzen duten zenbakiak gaztelaniaz zerrendatzera, edo, betaurrekoak sudur gainean, nola duten nahiago administrazioko testu elebidunetako eskuinaldeko zutabea, erosoago sentitzen direlako. Askotan, ahaztu egiten zaigu hala egiten dutela ezinbestean edukazioa hala jaso zutelako; hau da, ondo dagoela kariñoz begiratzea, baina noizean behin (ez beti, historiaren zama kiroltasunez bizkarreratzeak osasuna hobetzen baitu) komeni dela gauzen arrazoi gordeari hautsa kentzea.

Noski, ezinbestekotasun horrek ez du zuritzen sailburu batek, prentsaren aurrean, «desazelerazioa» esaterakoan trabatu, eta bertaratuen xalotasunaren heldulekua probestuz, gaztelaniazko ordaina emanda erakutsi zuen ustezko airostasuna. Badirudi herriaren ordezkariei ahaztu egiten zaiela zeren ordezkari diren, edo ordezkaritzak zer dakarren ahazten dutela, bestela. Zein ondo irudikatu daitekeen interbentzio labur batean «hemen benetan balio duena badakizue bi hizkuntzetatik zein den» maxima. Xalotasunak xalotasun.

Zartailua albo batera utzita, ordea, aitortza asko ditugu egiteke herri honetan. Bat, bere burua euskaraz (ber)alfabetatzeko lotsarik izan ez duten euskaldun horiei. Euskarazko literatura irakurtzeko, edo euskaraz mezu elektroniko bat bidaltzeko segurtasuna, beren ekimen propioz, lortu dutenei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: