DBHko 3. eta 4. mailako eta batxilergoko ikasleei zuzendutako programa didaktikoa da “Komunikazioaren erronkak XXI. mendean”. Komunikazioaren egungo erronken inguruko gakoak eskaintzen ditu, eta atal ugari lantzen ditu: sare sozialak, albiste faltsuak, kazetaritza generoen nondik norakoak… Komunikazio hizkuntzaren sekretuak argitzen ditu, idatzizko eta ahozko erabilerari dagokionez. Programazio didaktikoarekin batera, ingurune digital oso bat eta aholkularitza zerbitzua eskaintzen dizkizu BERRIAk. Programa osorik edo unitateka kontratatu daiteke. Eusko Jaurlaritzako Hezkuntza Sailak BERRIAri emandako diru laguntza dela eta, 2026-2027ko ikasturtean programa osoa eta unitateak %50 merkeago eskuratu daitezke.
•Hauek dira lizentzia eskuratzeko tarifak.
| BALIABIDE DIDAKTIKOA | OHIKO TARIFA | TARIFA FINANTZATUA |
|---|---|---|
| Programa didaktikoa osorik (sei unitate, 70 ordu) | 1.275 € | 637,5 € |
| Irakasleentzako tutoretza eta aholkularitza pertsonalizatu jarraitua | 500 € | 250 € |
| Zerbitzu teknikoa: domeinuaren mantenua eta arreta zerbitzua | 300 € | 150 € |
| PROGRAMA OSOA GUZTIRA | 2.075 € | 1.037,5 € |
| Unitate didaktiko bat (12 ordu) | 450 € | 225 € |
| ZERBITZU OSAGARRIAK | ||
| Zikloaren gela bakoitzeko tutoretza zerbitzua | 250,00 € | |
| Kazetariaren hitzaldia ikasgelan | 200,00 € | |
| BERRIAra bisita | 250,00 € | |
Eskatu informazioa ikasgela@berria.eus helbidean.
Zer gai lantzen dituzte unitateetan?
Unitate didaktiko bakoitzean gai nagusi bat landuko dugu:
- Zer den komunikatzea, eta zer den kazetaritza.
- Informazioaren jarioa, Interneten eta sareen aroan.
- Informazioaren aroa eta buruko osasuna.
- Hizkuntzaren eta ahoskeraren garrantzia, eta hizkera ez-baztertzailea.
- Nola kontatu gure garaiko gatazka sozial eta politikoak.
- Urte bukaerako proiektua: nola sortu eduki informatibo bat taldean.
Zer konpetentzia garatuko dituzte ikasleek?
Batez ere, konpetentzia hauek garatuko dituzte sei unitateak landuko dituzten ikasleek:
Tarifak
Jarri harremanetan BERRIA Ikasgelarekin, unitate didaktikoa kontratatzeko baldintzei buruz hitz egiteko: idatzi ikasgela@berria.eus helbidera.
Zer zerbitzu emango ditu BERRIA Ikasgelak?
Unitate didaktiko guztiak kontratatu nahi dituen zentroak eskura izango ditu zerbitzu hauek:
Galdera-erantzunak
Norentzat dira unitate didaktikoak?
DBHko 3. eta 4. mailako ikasleek lantzeko moduan antolatu ditugu unitate didaktikoak. DBHko beste mailetan, Batxilergoan eta Lanbide Heziketan ere erabil litezke. Bestalde, kazetaritza tailerrak antolatu behar dituzten irakasleentzat lagungarri izango dira, baina ez haientzat bakarrik.
Unitate didaktiko bakar bat kontrata dezakegu?
Bai, ikastetxeak kontrata dezake unitate didaktiko bakar bat. Ikasleekin sei unitate didaktikoak landuta, kazetaritzaren eta horri lotutako gaitasunen lanketa osoagoa izango da, baina posible da gai jakin bat lantzen duen unitate bakar bat ere hartzea. BERRIA Ikasgelak horren arabera egokituko ditu bere zerbitzuak. Informazio gehiago nahi izanez gero, idatzi ikasgela@berria.eus helbidera.
Zergatik kazetaritza?
Kazetariek informazioarekin lan egiten dute, eta beren ofizioan ikasten eta garatzen dituzte hainbat ezagutza, egungo bizimodurako ezinbestekoak direnak: hizkuntza gaitasuna, testuak ulertu eta interpretatzeko gaitasuna, komunikazio ekintzak eta diskurtsoak antolatzeko gaitasuna, informazioa eta gezurrak bereizteko gaitasuna… Gainera, inguruko errealitatearekin lan egiten dute, eta horrek aukera ematen du ingurua hobeto ezagutzeko. Informazioaren eta komunikazioaren teknologietan ere trebatuta daude, eta gaur egun kezka iturri diren tresnekin lan egiten dute (pantailak, sare sozialak…). Hortaz, kazetaritza ikasteko ereduak sortzeko helduleku gisa erabilita, ikasleek aukera dute hainbat gaitasun lantzeko eta hainbat arazo sozial jorratzeko.