Albistea entzun

JIRA

Kanpora

Angel Erro -

2017ko urtarrilak 13

Kanpora, oraingoz n letraz. Horixe idatzi dute Iruñeko markesina batean, euskaraz, alderik alde, Chrysallis Euskal Herriaren kanpainako afixa baten gainean, zeinean bulbadun mutikoak eta zakildun neskak egon badaudela gogoratzen baitzaigu. Ezabatzaileak bulba eta zakil hitzak ere ezabatu ditu, ustez okerreko tokian, okerreko gorputzetan ikusarazteagatik. Ez da izan egon den pintaketa bakarra. Beste batek ume transgeneroen arazoa gutxiagotu nahi izan du, apeta balitz moduan («nire semeak bere sexuak erabakitzen du, baina Superman izan nahi du»). Beste batek zinta batekin «prezintatu» du kartela, eta folio batean paratu: «Oilaskoek ezkatak dituzte, eta sardinek, hegalak». Intolerantzia beraren adierazgarriak dira, beldur beraren lekukoak. Iruñean hazitako bat ez da gehiegi harrituko. Gogora ekarriko dizkio, orain bizpahiru urteko The Hole kabaretaren afixen aurkako erasoak, iritzi artikuluak eta irain kitatze mezak ia, titiburu eta jarrera sexy bat zela eta.

Berritasun bakarra euskararen erabilera hori da, pintaketa politiko antiabertzaletan (modu parodikoan edo) zertxobait ikusia baina testuinguru honetan berria. Berez, zantzu ona da, lerroartean ikusarazten duenagatik, aurrerapen sozialak euskaltzaleekin lotzen badituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...