Albistea entzun

JIRA

Koherentzia

Angel Erro -

2014ko irailak 25

Gaur egun esaten den moduan, gustura irakurri ohi ditut Santi Leonéren iritzi artikuluak, hots, hagitz onak iruditzen zaizkit. Dena uzten dut irakurtzeko, baita nireak idazteko lana ere. Zuzeu-n atera dioten azkenean Yolanda Barcinaren koherentziarik eza kritikatzen du, Iruñeko katedraleko Ama Birjinari (berriro!) eskatu baitio, otoitzez, lanik aurkitzen ez dutenen eta (kasu!) eri daudenen alde, osasun sistema publikoa lotsagarriki hondatzen ari den bitartean. Nafarroako Gobernua bere osotasunean poz handietarako ez badago, Osasun Sailarena antologikoa da. Parlamentuak ez dakit zenbat aldiz exijitu dio dimisioa eman dezan, Vera andreari pilatzen zaizkion eskandaluak direla eta; halere, presidenteak behin eta berriz babestu du dimisioa eman behar izatetik.

Koherentzia hitza bigarrenez leitu dut gaurkoan, baina kasu honetan Barcinaren beraren ahotan, Ruiz Gallardónena laudatzean. Ez dirudi oso koherentea bere etxean halakorik inolaz eginen ez lukeen norbaitengan.

Orain parlamentuak Nafarroako Gobernuak oraindik indarrean dagoen abortuaren legearen aurka Auzitegi Konstituzionalaren aurrean jarritako errekurtsoa (koherentziaz) kentzeko eskatu dio. Suposatzen dut koherentzia falta jarraikia koherentzia mota bat dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna