Albistea entzun

HAUR ETA GAZTE LITERATURA. 'Bi begi?'

Trokelatua

Imanol Mercero -

2015eko martxoak 8

Idazlea eta ilustratzailea: Lucie Felix. Itzultzailea: Joxemari Sestorain. Argitaletxea: Denonartean.

Moda berriek berriz ere asmatzeko beharrean jarri dute euskara: nola adierazi liburuetako ebakidurak? Argitaratzaileek «ebakin» izendatu dute, baina hitz hori ebakitzearen ondorioz sortutako pieza da, ez bertan sortzen den zuloa, are gutxiago teknika bera. Beste ezer hoberen faltan, gaztelaniaren «trokelatu» erabiliko dugu, Xuxenek eta Hiztegi Batuak onartzen digute eta barbarismoa.

Bada, liburu hau ebakiduraz, trokelatuz, beteta dator. Hain zuzen, halako teknikaren aukeren katalogo bat dirudi. Narratzaileak ez du gainera teknika honetaz gain beste ezer asko esateko, igel baten eta hontz baten kontu txiki pare bat ez bada.

Lankide liburuzale batek halako ezaugarriak ikustean segituan esan zuen: lan eder honi probetxua atera behar zaio. Testua neuk asmatuko diot, eta ea zer ateratzen zaidan... Ez nuen esateko aukerarik izan, baina liburuaren amaierak erronka bat dakar, irudiak ez duelako asko laguntzen, atzeko azalean begiratu ezean.

Bada, zuri horixe proposatzen dizut: har ezazu liburu hau, eta goza ezazu lehenik bertako irudi jolasekin. Baina, ondoren, asma iezaiozu ipuin bat... edo bi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Campion Gaston, Saioa Alkaiza Guallar eta Ander Perez Argote, gaur, Iruñean. ©Iñigo Uriz / Foku

Nafarroako Bertsozale Elkarteak eta Iruñeko Udalak otsailera atzeratu dute Bertsoaroa

Ane Eslava

Nafarroako Bertsolari Txapelketa jokatzen ari delako atzeratu dute zikloa. Iruñeko Bertsopaper Lehiaketako irabazleen berri eman dute, eta Saioa Alkaizaren bertso sorta batean oinarritutako 'Biziraute saiakera' ikuskizuna aurkeztu dute.

<em>Emakumeak abstrakziogile</em> erakusketako hainbat obra, Bilboko Guggenheim museoan. ©MONIKA DEL VALLE / FOKU

Motibo ez-abstraktuak

Iñigo Astiz

Emakumezko artistek abstrakzioaren historian izan duten lekua aldarrikatzen duen erakusketa bat zabaldu du Bilboko Guggenheim museoak: 'Emakumeak abstrakziogile'. Guztira, 110 artistaren 400 obra baino gehiago bildu dituzte

Jon Bagues, iazko urtarrilean, Eresbileko zuzendari gisa egindako azken agerraldietako batean, Donostian. ©J.C. RUIZ / FOKU

Jon Baguesi emango dio Eusko Ikaskuntzak Manuel Lekuona saria

Ane Eslava - Itziar Ugarte Irizar

Euskal musikaren ondarearen alde eginiko lanagatik sarituko dute Eresbileko zuzendari izandakoa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.