ZUZENDARIARI

Demagun

Gasteiz.
2017ko otsailaren 18a
00:00
Entzun
Jo ezazu duela zortzi urte Arabako Foru Aldundiak lanetik bota zintuela eta Gasteizko Epaitegian eta hedabideetan ere salatu zintuela gaizkile bazina bezala.

Eta orain ez duzu ulertzen zergatik ez duen epaitegiak zure kasua artxibatzen froga ezagatik, zortzi urte luzean ez baitu batere frogarik aurkitu; bestela, aspaldi epaituko zintuen. Beraz, argi dago denuntzia ez zegoela frogetan oinarrituta, teorietan eta aburu agian interesatuegietan baizik. Eta, gainera, ez duzu ulertzen zergatik ez dion epaitegiak aldundiari agintzen duintasuna jendaurrean itzul diezazula, Iruña-Veleiako zeure lanean berriz jar zaitzala eta zortzi urte honetan jasan dituzun osasun eta diruaren kalteak ordain diezazkizula.

Zentzugabekeria honen historia ezagutu nahi baduzu, besteak beste, webgune hauxe duzu espainieraz: www.veleia.fontaneda.net, non egiaztagiria estekatzen baitzaie azaltzen diren gauzei. Bestela ere, edozein zalantza argitzeko, ostegunero 20:00etan aldundiaren jauregi aurrean izaten gaituzu.

Gasteiz 2017, Eliseo Gilen birgaikuntzaren urtea.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.