m24 - Udal eta foru hauteskundeak

Agerraldia egiten ari da oraintxe Geroa Bai, eta aldaketa suma daiteke Iruñeko Udalean; Geroa Bai "aldaketaren erraztaile" izango da, Itziar Gomez alkategaiaren esanetan.

@itziargomez anuncia que el papel de Geroa Bai en el Ayuntamiento de Iruñea será de facilitador del cambio pic.twitter.com/py9lvbNYQa

— Geroa Bai (@geroabai) May 25, 2015

Ordezkaritzak dirutan ere izaten du oihartzuna. Atzo izandako emaitzen ondorioz, EAJk 1,2 milioi euro eskuratuko ditu, Efe agentziak eginiko kalkuluaren arabera; 2011n baino 100.000 gehiago. EH Bilduri 900.700 euro legozkioke, eta PSEri 430.000. PPri, berriz, 300.000 euro.

EAJko zuzendaritzak atzoko emaitzen inguruan egindako balorazioaren berri ematen ari da Andoni Ortuzar. Aurrerantzean akordioak bilatzeko asmoa nabarmendu du, jeltzaleek izandako arrakasta gogorarazi eta eskertuta.

Ortuzar: "Leialtasunez eta ardura osoz ekingo diogu herrikideek emandako erronkari" http://t.co/YMzOkVRopF #m24 pic.twitter.com/qj7lZo9ptq

— Berria.eus (@berria) May 25, 2015

Atzoko emaitzen balorazioa egingo du 17:00etatik aurrera Andoni Ortuzar EAJko Euzkadi Buru Batzarreko presidenteak. 18:00etan, berriz, Uxue Barkos Geroa Baiko persidentegaiak hitz egingo du. Geroa Bai bigarren indarra izan zen Nafarroako Parlamenturako bozetan, eta Barkosen inguruan sor daiteke UPNrekiko alternatiba.

2011ko hauteskundeekiko boto kopurua ia bikoiztuta, Eneko Goia izango da, ia ziur, Donostiako alkatea. Hark atzo eginiko adierazpenak jaso ditu Irutxuloko Hitza-k: "Nik uste nuen bezalakoa da Donostia. Aldaketa ahalbidetu duen erabaki zentzuduna hartu du, eta hartutako erabakia ona izan dela frogatuko dugu".

Bilbon, gehiengo osoa galdu zuen atzo EAJk, baina hala ere aise nagusitu zen. Efe-k zabaldutako elkarrizketa batean, Juan Maria Aburto alkategaiak eskua luzatu die Bilbo "eraikitzen jarraitu" nahi duten alderdiei, "egonkortasuna" lortze aldera akordioak egiteko. Pozik agertu da emaitzekin: "Lehen aldia da boz demokratikoen historian, EAJk Bilbon hurrengo alderdiaren bozkak baino hiru bider gehiago dituela".

Barakaldon, 52 botoko aldearekin irabazi ditu bozak EAJk. Hain alde estua izanda, Alfonso Garcia PSEko alkategaiak iragarri du "akta guztiak" berrikusiko dituztela: Barakaldon 113 hautes-mahai daude: "Bakoitzean boto bat gehiago izan bagenu, emaitza bestelakoa litzateke uneotan".

Donostian, EAJk besteak beste Antiguan, Aieten, Amara Berrin eta Grosen irabazi du. Altza, Intxaurrondo eta Bidebietan PSEren alde egin dute, eta EH Bildurentzat izan dira Egia, Añorga eta Martutene, esaterako. Donostiako emaitzak auzoka, Irutxuloko Hitza-n.

Lehen aldiz irabazi ditu foru hauteskundeak Markel Olano EAJko ahaldungai nagusiak. Efe-ri bozez eginiko irakurketan, esan du emaitzek agerian uzten dutela "zein akats ezin diren berriro egin". Bihar batzartuko da Gipuzko Buru Batzarra, eta gainerako alderdiekin bilerak egiten hasiko da ondoren.