Donostian, EAJren igoera handiak ez dio kalte egin PSEri; are, 4.000 boto inguru gehiago jaso ditu. Pozik azaldu da Ernesto Gasco zerrendaburua; Eneko Goiarekin hitz egiteko prest azaldu da, baina ohartarazita: "Goiari dagokio zer egin nahi duen erabakitzea. Gu hitz egiteko prest gaude; baina ni kontutan hartzen ez nauenak ez dezala gure babesa espero".
http://irutxulo.hitza.eus/2015/05/25/ernesto-gasco-emaitzekin-pozik-eta-hitz-egiteko-prest-gaude/
Jon O. Urain
Donostiako Irabazik batasuna eskatu die "politika neoliberalak" irauli nahi dituztenei. "Desoreka eta pobrezia sortzen dute, ingurumena suntsitzen dute eta datozen belaunaldiak hipotekatzen dituzte", esan dute. Bi ordezkari lortu dituzte Donostiako udalbatzan: Amaia Martín eta Loïc Alejandro.
Jon Ordoñez Garmendia
Ezusterik ezean, Eneko Goia (EAJ) izango da Donostiako alkate berria. Goiak "denekin" hitz egingo du. Azaldu duenez, "goizegi" da akordioen inguruan hitz egiteko.
Arnaitz Lasarte
Joseba Asiron EH Bilduren Iruñeko alkategaiak prentsaurrekoa eman berri du. Iruñeko hurrengo alkate izan daiteke Asiron: "Hiritarrek aro berri hau kudeatzeko ardura eman digute; Iruñeko EHBilduk ez dio hutsik egingo ardura horri".
Arnaitz Lasarte
Joseba Asiron EH Bilduren alkategaiak 12:30ean hitz egingo du hedabideen aurrean. UPNk irabazi ditu hauteskundeak hiriburuan, baina oposiziora pasako da aldaketaren alderdiek akordio bat erdiesten badute. Asiron alkate izan daiteke. EH Bilduk bost zinegotzi eskuratu ditu, Geroa Baik beste bost, Aranzadik hiru eta Ezkerrak bat. Horien oposizioarekin, PSNren hiru zinegotzien babesa ere ez luke nahiko izango UPNk Maia alkate izendatzeko.
Jon Ordoñez Garmendia
Juan Karlos Izagirrek (EH Bildu) prentsaurrekoa emango du 11:30ean. Donostian, lehen indarra izatetik hirugarrena izatera pasa da EH Bildu.
Arnaitz Lasarte
Podemos Ahal Dugu-ko Laura Perezek Euskadi Irratian esan du "nola edo hala" aldaketa egongo dela Nafarroako Gobernuan. Hori bai, ez da "musu truk" izango. Perezek adierazi du Podemosek hartu nahi dituen neurrien inguruko akordioak lortu beharko direla. Aurretik, Geroa Bai-ko Manu Aierdik "ia ziurtzat" jo du aldaketa egongo dela.
Arnaitz Lasarte
%99a zenbatua, badirudi ia-a ziurtasun osoz esan dezakegula baietz, iritsi dela aldaketa Nafarroara. @berria
— Ander Perez (@ander_prz) Mayo 24, 2015 Ander Perez Argote
Geroa Bai oso pozik agertu da; oso balorazio ona egin du gaurko emaitzez. Aldaketa lortu dela esan dute. Presidenta, presidenta ohiuka hartu dute Barkos Iruñean Geroa Bairen jarraitzaileek. Matematikek ematen dute Nafarroako Parlamentuan eta Iruñeko Udalean aldaketarako. Eta adierazpenen arabera, aldaketa eman dadin akordioak egingo dituztela dirudi.
Ainhoa Oiartzabal Azketa
EH Bilduren Iruñeko ekitaldiak ez du Donostiako EH Bilduren ekitaldiaren antzik; Nafarroan aldaketa emantzat jo du EH Bilduk, eta poza da nagusi. Aldaketaren aldeko indarrek 26 eserleku lortu dituztela esan du Adolfo Araizek. Hain zuzen, botoen %97 kontatuta, UPNk 15, Geroa Baik 9, EH Bilduk 8 , PSN eta Podemosek 7na eta Ezkerrak eta PPk bina eserleku lortu dituzte.
Ainhoa Oiartzabal Azketa
