Testua: Beñat Gaztelumendi.
Ekaineko ilunabar goxoak aprobetxatu eta elkarri ipuinak kontatzera eseri gara gaur etxeko atarian. Ipuin zaharrak gogoratu eta ipuin berriak sortuko ditugu. Gure ahotsekin sortutako mundu harrigarrietan murgilduko al gara?
Ahotsak entzutera eseri naiz nasan
ipuinen korronteak kulunkatu nazan
eta hala bazan sar bedi kalabazan
eta atera bedi ilargiko plazan.
Galtzagorriek hasi dute jaia!
Dantzan ari da otso galaia.
Piratak prest dauka ekipaia.
Ardiak zenbatzen ari da artzaia…
Martinber, zu bai pertsonaia!
