Baso sakon eta eder batean azeritxo bat bizi da, bere azeri ama eta anaiarekin batera. Gaua heltzerakoan, iluntasunak azeritxoa zeharo izutzen du, eta ezin izango da bere familia kideekin ehiza egitera joan. Eskerrak lagun berri bat agertu zaiola, basoko bizitza erabat nahasten ari baita...

Maindik beste erronka handi bati egin beharko dio aurre, benetako maitagarri izan nahi badu. Baina bete beharreko desirak hasieran uste baino askoz zailagoak dira beti azkenerako. Gainera, asko korapilatuko zaizkio bere egitekoak...

Beldurra lehoi bat da. Eta barruan erbi bat du. Eta erbiak barruan uso bat. Eta usoak arrautza bat. Arrautza lehertu arte ez da hilko beldurra. Lurrek Txuriren begiak ikusten ditu, eta Txurik Lurren beldurra. Gaua bezain beltza da Txuri.

Katta eta lagunak gaztelu batean sartu dira. Han, mamu batek laguntza eskatu die madarikazio bat apurtzeko. Dorrera igo dira, eta...

Protagonistek munduan zehar bidaiatuko dute, eta pertsonaia berriak agertuko dira. Haurrek musukatzeko eta besarkatzeko moduak ikasi, eta kulturartekotasuna, aniztasuna, errespetua eta maitasuna landu ditzaten.

Nor naiz? Erantzuna jakitera ausartzeak leku zoragarrietara eramango gaitu. PILOTA PIZTIA gure identitatearen garapen askeaz mintzo zaigu.

Kezkei eta beldurrari buruzko liburu izugarri originala, eta emozio handiak lantzeko aparta! Pisarona Izu ilun batean agertu zen Mixik lorik egin ezin zuenean... Denok dugu Izuren bat. Baina zer egin Izu hori handitzen denean?

Eli atsegina eta alaia da, baina batzuetan bakarrik sentitzen da. Zergatik? Nola lagundu dezakegu?

Batzuek irabaz dezaten beste batzuek galdu behar dute. Txirrindularien lasterketa honetan, Maurizio azken doa. Baina ez du amore emango: pedalei eragin eta eragin ibiliko da, lasterketaren amaierara heltzeko asmoz. Horretarako hartuko duen bidea, aldiz… Berezia izango da.

Aldo axolote txiki-txiki eta berezia da. Bere hankatxo motzek eta gorputz luze-luzeak ez diote uzten igelak bezain altu salto egiten, ezta arrainak bezain azkar igeri egiten ere. Baina, bisitari bihurri batzuek ezustean topatzean, Aldok nabarmentzeko aukera izango du.