Donostiako ‘Irutxuloko Hitza’ astekariaren erredakzioa bisitatu dute Oporretan Euskaraz udalekuetako haurrek. Kazetarien jarduna ezagutu, eta kazetari lanak egin dituzte Egia auzoan.

10.000 artikuluren langa gainditu du Txikipediak, haurrentzako egokitutako Wikipediak. Azala berritzeko baliatu dute mugarria. Artikuluak osatuz joan nahi dute.

Sare sozialetan bizitza den bezalakoa erakusten du Janire Atxurra eduki sortzaileak (Aulesti, Bizkaia, 2000). Euskaraz zabaltzen ditu edukiak, hala sentitzen delako eroso. Argi dauka: ez du erabakirik hartuko besteek zer esango beldurrez.

Ipuin bat osatzea da zeregin nagusia ‘Gaueko’ mahai joko literarioan. Maren Urkizu Haur Hezkuntzako graduko ikasleak sortu du, eta pertsonaia mitologikoak ditu protagonista. Dirua biltzeko kanpaina bat abiatu du, jokoa argitaratu ahal izateko.

Besoak altxatu zituen Malen Osa mendi korrikalariak (Oñati, Gipuzkoa, 2002), emozioaren emozioz, Zegama-Aizkorri mendi lasterketako helmugan. Bigarren postua lortu zuen. Ia bi aste igaro dira ordutik, eta, atseden hartu ondoren, hasia da berriro entrenatzen. Italiako 50 kilometroko lasterketa bat du buruan: Lavaredo ultratraila.