Benetan Be konpainiak beldurrei jolasaren bidez aurre egiteko proposamena egin du bere hirugarren antzezlanean. ‘Bidutzi’ du izena, eta zuzeneko musika, txotxongiloak eta umorea uztartzen ditu.

Sorbeltz baten istorioa abiapuntutzat hartuta, liburu ilustratu bat eta unitate didaktikoak sortu dituzte Hernanin, haurrekin kulturartekotasuna eta migrazioa lantzeko. Hernanirako ez ezik, Euskal Herriko beste hainbat lekutarako ere balio du.

Pianoan eseri orduko hasi da hura jotzen Garazi Esnaola (Lizartza, Gipuzkoa, 1992). Teklen doinuak hartu du etxea, eta unibertso goxo bat sortu du, nahi gabe bezala. Hainbat musikariren piano jotzailea izan ondoren, bakarkako lana argitaratuko du astelehenean: Ez gaude hemen. Gogotsu dago etapa berrirako.

Ustekabean heldu zen aizkora Oihana Fernandez de Barrenaren bizitzara (Heredia, Araba, 1999), eta, bide gorabeheratsua izan arren, pozik dago. Entrenamenduak baserriko lanekin uztartzen ditu, hori baitu ogibide. Igandean jokatuko du Euskal Herriko kanporaketa.

Donostiako ‘Irutxuloko Hitza’ astekariaren erredakzioa bisitatu dute Oporretan Euskaraz udalekuetako haurrek. Kazetarien jarduna ezagutu, eta kazetari lanak egin dituzte Egia auzoan.