Dantzatu bizitza jarrera polit honekin, orekatuta eta alai.
Testua: Yoke yoga klasikoko elkartea.
1. Jarri zutik, oinen artean oin bateko tartea utzita, eta luzatu bizkarra. Arnasa sakon hartzen duzun bitartean, zabaldu ondo bularra, eta atzeratu sorbaldak.
2. Orain, ezkerreko hanka lurrean tinko erantsita duzula, eskuineko oinari orkatilatik heldu eta igo hanka eroso eta orekatuta sentitzen zaren tokiraino. Mantendu begirada puntu finko batean oreka mantentzeko.
3. Pixkanaka, ezkerreko aldakaz baliatuz, eraman enborra aurrealdera. Aldi berean, luzatu ezkerreko besoa sorbalda paretik aurrera.
4. Orain, poliki-poilki, altxatuta duzun hankaren jarrera desegin. Gorputza zutitu eta bi oinak elkartuz, hasierako jarrerara itzuliko zara.Sakondu orain arnasa bizpahiru aldiz, eta jarrera bera errepikatuko duzu beste hankarekin.
