Albistea entzun

JIRA

Gosea

Angel Erro -

2015eko urriak 6

Hirurogeita hamar urteko gizon bati utzi ahal diot esan dezala oraingo gazteek ez dugula goserik igaro eta horregatik doala mundua doan moduan eta horregatik gaudela gazteok gurasoen etxean goxo, lanik egin nahi gabe, baldin eta bakarrik baldin solas pribatu batean bada (esaterako, taberna zulo batean), entzuleria urri, aspertu eta eztabaidatzeko gogo gutxiko baten aurrean; delako gizona eskolagabea bada (nire aitona bezala) edota nire aitona bera bada.

Zorionez nire aitonak ez zuen inoiz horrelakorik esanen, berak gosea edo, Gipuzkoako Enpresarien Elkartearen buruak ulertzeko moduan esanda, enprendedore grina pairatu bazuen ere, bere jaioterritik alde eginez. Horrek ez zion lanik ez izatearen errua norbanakoan jarraraziko.

Demagun Gipuzkoako ekintzagintza (hitza gaztelaniaz esan du Gibelaldek eta euskaraz bezain etsigarria da) bultzatzeko, gazteei benetako gosea pasaraziko bazitzaien, Enplegu eta Gizarte Politiketako Sailak babestutako gosete luze eta akuilagarria, gazte asko erbestera eramanen lukeena, zaudete seguru harrerako herrialdean hirurogeita hamar urteko gizon ongi eskolatu batek gazte horiek salatuko lituzkeela, ez baitatoz lanera, etorkin alferrontziak, «gure kontura» ongi bizitzera baizik. Ez bageneki.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.