Anjel Lertxundi.
HITZ BESTE

Kromoak

2015eko urtarrilaren 22a
00:00
Entzun
Santiago Arrospide kartzelan sartu eta Luis Barcenasi alfonbra gorria jarri kaleraino. Presoen aldeko manifestazioaren ondoren presoen abokatuak atxilotu. Orain, legea bete beharraren aitzakia hauspotu, antzestu beharra baitago demokrata itxura; geroxeago, legea manipulatu biktimak manipulatzeko.

«Ez zakitek ezta disimulatzen ere!». Laguna oker dago: ez dute disimulatzeko asmorik, aitzitik baizik. Ageri-agerian utzi nahi dute bata bestearen ondorioak direla eta ez kointzidentziak. Nahita dira zarpail baldarrak, apropos manipulatzen dute justizia, kontzientzia osoz egiten diote iseka ordenamendu juridikoari. Nork agintzen duen garbi uzteko eta ez biktimen ondran. Berdin zaizkie biktimak, beren ingurukoak bezala berengandik oso urruti daudenak ere. Hauteskundeak hurbil, inkestetekin zurbil gelditutakoan hasi dira ondoen dakitena egiten: maniobratzen.

Lotsarik ez duenak ez dauka lotsa falta disimulatzen ibili beharrik.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.