Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

BIRA

Epidemiak

Garbine Ubeda -

2015eko maiatzak 22

Globalizazio biologikoaren paradigmetako bat omen da tigre-eltxoa. Kolonizatzaile arriskutsua, gizakiaren jarduna profitatu zale porrokatua eta gainera alua. Hain zuzen ere, emea da aluetan alu, harenak baitira ugaztunen CO2 hatsa detektatzeko biboteak, eta arrastoari jarraiki, harraparia ondo heltzeko tronpa. Odola ezinbestekoa du, horrek ez bestek emango baitio bartzak jartzeko behar duen proteina. Bakar batek egindako lanetik 80 tigretxo sor litezke astebeteren buruan. Eta arrak eta emeak proportzio berekoak direla kontua eginik, horien erdiek 3.200 kide berri munduratuko dituzte zazpigarren egunean. Hilabeteren ondotik, noski, plaga latza.

Behinola pneumatiko zaharren garraioa baliatuz Europartu zena, Sud Ouest-eko notizia nagusi bilakatu da berriki. Etxeko ataritik gertu dukegula eta, paranoiak jota gauzka gogaikarri horrek; bere tuak larruazalean eragiten duen erreakzioagatik eta oinazeagatik baino gehiago, transmiti ditzakeen birus tropikalengatik, dengea dela edo chikungunya dela.
Farmazia laborategiek eta pestizida fabrikatzaileek ez dute konponbiderako grina handirik erakutsi oraintsu arte, mundu txiroan urtero 50 milioi lagun kutsatzen diren arren. Eta honenbestez, ekidinezina da galdera:
Zein da hemen espezie oportunista?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.