Albistea entzun

19. Korrika. PAPEREZKO LEKUKOA

Kontaiozu

Anakoz Amenabar - 'Arabako Alea'-ko kazetaria

2015eko martxoak 26

Azalduko diozu Atenasko lagunari han ikusi duen Korrika hori hemengoaren entrenamendu saio soil bat dela; hamaika egunez, gau eta egun, tarte batez zereginak utzi, eta milaka lagunek makina bat kilometro egiten dituztela euskararen alde. Komeriak. Azalpena samurtuko dizute Argia-k auzolanean bultzatutako itzulpenek, baina, halere, esplikatuko diozu Aramaion elurretan korrika hasi aurretik goizaldean txokolate baldekada bat prestatu dutela, Karankan bi zorok bakarrik eutsiko diotela lasterketari euripeko kilometroan, eta Arabako Errioxan 18. Korrikak kale egin eta inoizko lekuko gose handiena dutela.

Esango diozu, haren antzera, lehenengo aldiz Korrika nagusia biziko dutenen odola irakiten dagoela. Asteak Ika-ika-ika kantari dabilen bi urteko Intzarentzat lehenbizikoa izango dela Zigoitia inguruan, zortzi urteren ostean berriz jaio den Pablok ere irrikaz hartu duela Laudio aldean, Gasteizko alkatearen ustez beti etzanda dauden horiek tarteka altxatu eta korrika egiten dutela alde zaharrean, altxatzeko gogorik ez duten milaka langabetu ere lasterka izango direla erakundeen parean eta, hor inguruan, lehenengo urratsak egin dituen Alea aldizkariak beterano taldearekin hitzordua duela larunbatean.

Greziara joan gabe, kontaiozu orain egunero igogailuan topo egiten duzun gizon horri, Korrikaren izerdi arrastorik ez den alboko mundu horretan bizi den bizilagunari. Haren ezaxolak Lautadako kilometro amaigabeak eta Gorbeialdeko maldak igotzeko indarbetetzen zaituela. Kontaiozu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira
Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao, Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Donostiako Antigua Auzoko Osakidetzako osasun zentroa. ©GORKA RUBIO / FOKU

«Ezin dugu martxa honetan segitu»

Oihane Puertas Ramirez

Lehen mailako arretako langileek salatu dute baliabideak falta zaizkiela. COVID-19a dela eta, osasun etxeetako lan karga «izugarri» handitu zaie, eta «gainezka» daudela sentitzen dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.