(‘Lerro batzuk’ bloga, martxan) Negociador filmako lehen sekuentzian ‘Jesus Egiguren’ taberna batean ageri da, xerra patatekin jaten. Ostatura hiru lagun sartzen dira, eta begirazuna egiten diote. ETAkoekin Suitzan negoziatzen jardun ondoren, berriro taberna hartan da ‘Egiguren’, eta pelikulako azken sekuentzia aurrenekoaren berdina da, baina hiru lagun haiek kasu egiten diote. Etzi lau urte prozesua “oso ondo” zihoala zioen Egigurenek Euskadi Irratian, argudio hau emanez: “Azpeitiko Institutuan ibili nintzen ni, eta han ibili ginenok azkeneko 30 urtean elkarri ez diogu kasurik egin. Baina orain ohartu naiz egun batetik bestera elkar agurtzen hasi garela. Aldaketa soziologikoa egon da, mundua aldatzen ari da”.

Irudian, tabernako sekuentzietako une bat.

negociadorI