idazkuntza >> Estiloa >> Klixerik ez

Kazetaritzako hizkeran klixe batzuk sortu dira azkenaldian, eta irakurlea gogatzeraino zabaldu. Esapide maiztuak dira, neurriz gain erabiltzearen poderioz indar guztiaz gabetuak, eta baliabide pobrezia erakusten dute.

[] Halako izango da protagonista.

[] Erakusketak bihar irekiko ditu bere ateak.

[] Athleticen jarraitzaileek hitzordu bat dute gaur San Mamesen.

[] Etxeko txikienentzat jolasak izango dira.

[] Aurpegi ezagun asko bildu ziren ekitaldira.

[] Txillidaren erakusketa antologiko bat izango da ikusgai Berlinen.

[] Azpimarratu behar da...

[] Gogorarazi beharra dago...

[] Nabarmentzekoa da...

idazkuntza >> Gramatika >> Deklinabide arazoak >> Noiz 'norekin' eta noiz 'norekiko'

Gehienetan, izen bati itsatsirik joaten da -ekiko, baina badira salbuespen banaka batzuk:

Neurekiko (zeurekiko...) = neure artean (zeure artean...)

Zurekikoak kitatu ditut = zurekin nituen zorrak

Dena dela, honelakoetan ez da egokia -ekiko erabiltzea, astundu egiten baitu:

[] Elkartearekiko duen etsaigoa.

[] Euskal presoekiko duen jarrera.

Zilegi da, jakina, aditzik gabe izenari lotzea elkartearekiko eta presoekiko, baina kontuan izan oso estilo trinkoa sortzen dela:

[] Elkartearekiko etsaigoa.

[] Euskal presoekiko jarrera.

Hobe izaten da beste joskera bat bilatzea. Esaterako, batez ere -engana eta -enganako erabili izan dira begirune, errespetu, estimu, maitasun, konfiantza eta gisa bereko hitzekin:

[] Elkarteari dion etsaigoa.

[] Euskal presoekin duen jarrera.
 

[] Garitanok adierazi zuen ez duela samindurarik gordetzen Athleticekiko.

[] Garitanok adierazi zuen ez dagoela saminduta Athleticekin.
 

[] Gobernua uzteko izan zituzten arrazoiekiko koherenteak izango dira.

[] Gobernua uzteko izan zituzten arrazoiekin koherenteak izango dira.
 

[] Errubloa asko jaitsi da euroarekiko eta dolarrarekiko.

[] Errubloa asko jaitsi da euroaren eta dolarraren aldean.
 

[] Errespetu handia sentitzen du harekiko.

[] Errespetu handia sentitzen du harengana.

[] Errespetu handia sentitzen du haren aldera.

[] Errespetu handia dio hari.

[] Asko errespetatzen du.

idazkuntza >> Puntuazioa >> Aditzik gabeko tituluak >> Esaldien ordezko direnak >> Galdegaia hasieran

Athletic. Bilboko futbol taldea. Athleticek Superliga irabazi zuen 2005. urtean. Athleticen jokatu nahi du.

artean, arteko. Kirolei buruz mintzatuz, gehiegi erabiltzen da, beste esapide batzuk baztertzeraino. Osasunaren eta Athleticen arteko partida jokatuko da gaur*[e.] Osasunak eta Athleticek partida jokatuko dute gaur. Osasunak eta Athleticek elkarren kontra jokatuko dute gaur.

fitxatu. Kontuz joskerarekin: kirol taldeak fitxatzen du jokalaria. Frantzian diote Yurik Athleticekin fitxatu duela*[e.] Frantzian diote Athleticek Yuri fitxatu duela.

gabarra. Ontzi mota. Athleticena ere, letra xehez. Azkenean, gabarra atera gabe geratu dira lehoiak.

hautatu. Erredundantzia da 'kide / idazkari / presidente... berri hautatu dute'. Sarriugarte hautatu dute Athleticeko entrenatzaile berri*[e.] Sarriugarte hautatu dute Athleticeko entrenatzaile. // Gromik hautatu dute presidente berri*[e.] Gromik hautatu dute presidente.

lehoi. Athleticeko jokalariak izendatzeko modua. Lehoien orroa entzun da San Mamesen.

Udako Olinpiar Jokoak

Munduko Futbol Kopa