LARREPETIT

Porrotak

Goizalde Landabaso -

2017ko maiatzak 16

Margotzen ari zen lanaren aurrean Zumeta pintoreak ziostan koadro perfekturik ez dagoela, eta koadro denak direla porrot baten adierazle. Horrela begiratuta, bizitza ez ote da porrot bat? Zenbat bankarrot paira lezake gure arimak?

Kiebrak jota dagoen hizkuntza baten hiztunak ote gara? Demagun, Stephen Hawking fisikaria erratuta dagoela, eta ehun urte barru oraindik ere Lurrean zer bizi izango dugula. Euskarak iraungo ote du? Hizkuntza hegemoniko batekoak bagina, galdera hau egingo genuke? Harkaitz Canok Izozteko adina kontakizunean zioen bezala, Bilbatua hizkuntza hitz egingo ote da, hots, euskara eta ingelesaren arteko hibridoa? Donostia 2016-k Anjel Lertxundiri emandako Karta Zuriaren karira joan den abenduan solasaldiak antolatu ziren Donostiako Aquariumen. Horietan, hizkuntza hegemonikoetako idazle eta itzultzaileei hizkuntza ez-hegemonikoen larruan sartzeko eskatu zitzaien. Miguel Saenz itzultzaile espainiarrak segurutzat jotzen zuen euskal kultura ez dela hilko. Itzulpengintzari esker, eta bereziki, espainierara egindako itzulpenei esker biziko dela dio DEMAGUN EHUN URTE BARRU kaleratu berri den liburuan. Segurtasun hori soilik izan liteke hizkuntza hegemoniko batean bizirik. Alegia, lurralde hartan ez dagoela porrotik. Gu gara porrota, inperfekzioa. Gauzak gaizki egiten ari direla esaten zuen Koro Navarro itzultzaileak, kalitateari begiratua eman eta mailarik ez dela ematen. Inperfekzioa eta erdipurdikeria artean, unibertso oso bat dago. Margolan eder baten eta zirriborro ziztrin baten artean dagoen moduan. Nicanor Parrak badu etsipenaren aurrean oxigeno apurra eman diezagukeen poema. Iraganaren eta orainaren iheskortasunaren aurrean topa egiten du etorkizunagatik, sekula heltzen ez den egun horregatik, baina zinez, soilik daukagun horregatik egiten du topa. Nik ere egin nahi dut topa; inperfekzioagatik, porrotagatik, finean, bizitzagatik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna