Hauteskundeetako emaitzek aro baten amaiera islatzen dutela nabarmendu dute Hego Euskal Herriko alderdi gehienek. Ahal Dugu-k adierazi du «eragile zentrala» izango dela datozen urteetan.
Alderdi Popularrak irabazi ditu bozak, 64 eserleku galdu dituen arren; 186tik 123ra pasa da. PSOEk 90 ordezkari eskuratu ditu; Podemosek, berriz, 69. Ciudadanosek, alta, ez ditu aurreikuspenak bete.
Espainiako gaurko bozetan PPk, berak bakarrik edo Ciudadanosekin, gehiengo osorik ez izatea garrantzitsua izan ahal da Euskal Herriko bakegintzarako, autogobernurako eta nazio aitortzarako bide bat irekitzeko. PSOEk eta Podemosek, ordea, pauso ausart eta berri bat eman beharko lukete.
Bakegintza eta normalizazio politikoarekin loturiko gaiak auzitegien esku utzi ditu Mariano Rajoyk. Epaile batzuk kexu azaldu dira gobernuak independentzia judizialari eginiko «erasoengatik».
Espainiako jokaleku politikoan historikoki indarrean egon den bi alderdiko sistema hautsi egingo da gaurko hauteskundeetan; zahar eta berrien arteko lehiak ordezkatu du ezker-eskuin dikotomia. Rajoyren legealdiak ondare iluna utzi du alor guztietan; murrizketa ekonomiko, zibil eta politikoak egitea izan da haren politikaren ardatza, eskubide sozialaren kaltetan.
Europak jarritako defizit helburuak betetzea beste biderik ez zegoela argudiatuta, ongizate estatuari inoiz baino murrizketa handiagoak ezarri dizkio Espainiako Gobernuak azken legealdian. Ahaleginak ahalegin, azkenean bankuak erreskatatzeko laguntza eskatu zuen Rajoyk, eta horrek azken faktura gogortu du.